झापाको दमक, झिलझिले, केर्खा, धरमपुर र तोपगाछीमा सशस्त्र प्रहरीले विशेषतः सुँगरको खोर भएको घरहरुमा खानतलासी गर्दै सर्वसाधरणलाई समेत कुटपिट गरेका छन् । यसै क्रममा दमकमा माओवादीसम्बद्ध पत्रिकाका पत्रकारलाई समेत प्रहरीले कुटपिट गरेका छन् ।

प्रशासनले सो क्षेत्रमा लगाएको कर्फ्यू हालसम्म पनि हटाएको र भोलि पनि लगाउन सक्ने प्रवल सम्भावना रहेको छ । हिजो प्रहरीद्वारा मारिएका राजकुमारको भोलि शव यात्रा केर्खा र दमकमा गर्ने मञ्चका अध्यक्ष कमल छाराहाङले किरात्स डट कमलाई बताएका छन् । यसको लागि मोरङमा व्यापक तयारी भइरहेको समेत उनले बताएका छन् । छाराहाङका अनुसार उर्लावारीमा जनकपुरदेखि उर्लावारीसम्मका जम्मा भई कर्फ्यू ताड्दै शवयात्रामा सामेल हुने बताएका छन् । यस क्रममा गृहमन्त्री कृष्ण सिटौलाको राजीनामा माग्दै पुत्ला जलाउने कार्यक्रमसमेत हुनेछ ।

सो शवयात्राको लागि लिम्बुवान क्षेत्रका विभिन्न स्थानबाट ठूलो संख्यामा भेला हुने तयारी भइरहेको र यसको लागि मधेशी जनअधिकार फोरमको तर्फबाटसमेत १० ट्रक कार्यकर्ता उर्लावारीमा पुर्‍याउने तयारी रहेको किशोर विश्वासले बताएका छन् ।

यो समाचार तयार पार्दा मृतक राजकुमारको घरमा स्थानीयवासीहरुको जमघट भएको छ । सो भेलामा सम्बोधन तथा समवेदना प्रकट गर्न आज पनि मञ्चका महासचिव कुमार लिङ्देन पुगेका छन् । नजिकै माओवादी सैन्य शिविर भएकाले सो क्षेत्रमा प्रहरी छैनन् ।

मानवअधिकारको हनन भएको भनिएको सो घटनाबारे छानबिन सुरु गर्न तथा अनुगमन गर्न मृतकको घरमा समेत मानवअधिकारकर्मीहरु पुगेका थिए । यसबारे आदिवासीहरुको मानवअधिकारसम्बन्धी वकील समूह -लाहुर्निप) को समेत ध्यानकर्षा भएको जनाएको छ ।

सो आन्दोलनसँग सम्बद्ध काठमाण्डौवासीहरुले भोलि अपरान्ह ४ बजे माइतिघरस्थित मण्डलामा शोकसभा गर्ने भएको छ । साथै, पर्सि सिंहदरवारको दक्षिण गेटमा धर्ना दिने कार्यक्रमसमेत रहेको मञ्चका सचिव खगेन्द्र माखिमले बताएका छन् । सो कार्यक्रमहरुको लागि आयोजकले संघीयवादी सम्पूर्णमा आव्हानसमेत गरेको छ ।

अनिश्चितकालीन बन्द स्थगित

काठमाण्डौ, असोज २१ गते ११ बजे/ चलिरहेको संघीयवादीहरुको आन्दोलन तीन दिनको लागि स्थगित भएको छ ।

संघीय लोकतान्त्रिक राष्ट्रिय मञ्चका अध्यक्ष कमल छाराहाङले घोषणा गरेअनुसार आज, भोलि र पर्सी लिम्बुवान, खम्बुवान, तामाङसालिङ, थारुवान तथा मधेश क्षेत्रमा संयुक्त मोर्चाबन्दीका नाममा सञ्चालित आन्दोलनका सम्पूर्ण कार्यक्रमहरु स्थगित हुने भएका छन् । स्थगित गर्नुको मुख्य कारण हिजो अपरान्ह सशस्त्र प्रहरीद्वारा मारिएका राजकुमारको दाहसंस्कार तथा शोकसभाको निम्रित्त भएको मञ्चका महासचिव कुमार लिङ्देनले बताएका छन् । आन्दोलनकारीले बन्द फिर्ता लिएपनि प्रशासनले झापामा लगाएको कर्फू हालसम्म हटाएको छैन । जसले गर्दा स्थानीयवासीहरु थप आक्रोशित बनेका छन् ।

काठमाण्डौ, असोज २० गते/ लिम्बुवान राज्य परिषद अर्न्तर्गतको लिम्बुवान भोलेन्टियर्सका कार्यकर्ता राजकुमार आङदेम्बे प्रहरीद्वारा मारिएका छन् ।

आज दिउँसो झापाको केर्खास्थित सडक खण्डमा स्कर्टिङ गरी गाडीहरु लैजाने क्रममा बन्दकर्ताले अवरोध सिर्जना गरेको भन्ने बहानामा केर्खा र धरमपुरबीचमा पर्ने कमल पुलको करिब डेढ किलोमिटर उत्तरतर्फसशस्त्र प्रहरीले चलाएको गोली लागि उनी मारिएका हुन् । चुलाचुलीस्थित माओवादी सेनाको शिविर नजिकै भएको सो घटनामा चुलाचुली निवासी २० वषर्ीय राजकुमारको मृत्युले सो क्षेत्र थप तनावग्रस्त बनेको छ । प्रत्यक्षदर्शीका अनुसार, कमलको पुलमा अगाडि नै लुकेर बसेका पाथिभरा गणका सशस्त्र प्रहरीले करिब ५० गोली चलाएको थियो ।

पेटमा गोली लागेका राजकुमारलाई उपचार्रार्थ दमक लान खोज्दा प्रहरीले नदिएपछि माओवादी सैन्य शिविरमा उनको उपचार गर्दागर्दै मृत्यु भएको थियो । परिवारका माइला छोरा उनी केही समय अघिदेखि छुट्टएिर बस्दै आएका थिए । आर्थिक अवस्था ज्यादै नाजुक भएको राजकुमारको एक श्रीमती र ४ महिनाको छोरी छ ।

लिम्बुवान स्वायत्त राज्यको निमित्त पटक पटक केर्खाको सशक्त आन्दोलनको मोर्चा सम्हालेका उनले यस पटक पनि सोही मोर्चा सम्हालेका थिए । यही क्रममा उनी मारिएका छन्, तथापि उनी लिम्बुवान स्वायत्तताको आन्दोलनमा पहिलो शहीद बनेका छन् । उनको यो बलिदानलाई आन्दोलनको मोर्चा हाँक्नेहरुले सम्मान र आदर गर्नुका साथै आर्थिक अवस्था कमजोर भएको उनको परिवारको निमित्त तथा यो आन्दोलनकै निमित्त विश्व समुदायमा सहयोगको अपेक्षा गरेका छन् ।

काठमाण्डौ, असोज १७ गते / आसन्न संविधानसभाको निर्वाचन र्सार्थक एवं परिणाममुखी नहुने ठहर गर्दै आदिवासी/जनजाति, मधेशी, महिलालगायतका विभिन्न समूहहरू संघीय गणतान्त्रिक मोर्चामा आबद्ध भई चरणबद्ध आन्दोलन गरिरहेका छन् ।

चरणबद्ध आन्दोलनको सिलसिलामा असोज १६ गतेदेखि अनिश्चितकालीन आमहडतालको घोषणा गरिएको छ । तामाङसालिङ क्षेत्रमा बिहीवार बन्दको आव्हान गरिएकोमा अरनिको राजमार्गस्थित कोटेश्वर र बनेपामा आन्दोलनकारीमाथि प्रहरीद्वारा भएको ज्यादतिबारे विरोध गर्दै मोर्चाद्वारा प्रेस विज्ञप्ति जारी गरिएको छ । त्यस्तै, झापा र मोरङमा भएको प्रहरी हस्तक्षेपप्रति घोर भर्सना गर्दै पक्राउ गरिएका तीन दर्जनभन्दा बढी कार्यकर्ताहरूको सोही विज्ञप्तिमार्फ रिहाइको माग गरिएको छ ।

यस आन्दोलनमा हुनसक्ने गणतन्त्र, संघीयता र जातीय स्वायत्तता विरोधी प्रतिक्रियावादी तत्वहरूको घुसपैठप्रति पूर्ण सजग रहँदै राजनीतिक अधिकार, समानुपातिक प्रतिनिधित्व, संघीय लोकतान्त्रिक गणतन्त्र र स्वायत्तताको शान्तिपूर्ण आन्दोलनमा अहिले भइरहेको प्रहरी दमनको घोर भर्त्सना गर्दै यस मागको सुनुवाइ र समाधान नभए योभन्दा अझ सशक्त आन्दोलनहरूको घोषणा गर्न बाध्य हुने सोही विज्ञप्तिमा जनाइएको छ । संघीय गणतान्त्रिक मोर्चामा आबद्ध विभिन्न संगठनका प्रतिनिधि सम्मिलित जनआन्दोलन केन्द्रीय संयोजन समितिको गत असोज ९ गते सम्पन्न बैठकले सो आन्दोलनको घोषणा गरेको हो । यसअनुसार असोज १० देखि १५ गतेसम्म भित्तेलेखन, माइकिङ तथा प्रत्येक बेलुकी मसाल जुलुस गर्ने, १२ गते तामाङसालिङको बनेपा, धुलिखेलमा सामूहिक विरोध सभा गर्ने कार्यक्रम थियो । त्यस्तै, १३ गते अन्तरिम संविधानको मिश्रति निर्वाचन प्रणालीको धारा जलाउँदै प्रत्येक जिल्ला प्रशासन कार्यालय घेराउ गर्नुका साथै १६ गतेदेखि अनिश्चितकालीन आमहडताल गर्ने कार्यक्रम राखेका छन् ।

संघीय गणतान्त्रिक राष्ट्रिय मोर्चामा मधेशी जनअधिकार फोरम -विश्वास समूह), संघीय लोकतान्त्रिक राष्ट्रिय मञ्च, संघीय लिम्बुवान राज्य परिषद, संघीय धिमाल स्वायत्त परिषद, खम्बुवान राष्ट्रिय मोर्चा, तामाङसालिङ स्वायत्त राज्य परिषद र संघीय गणतान्त्रिक मोर्चा आबद्ध छन् ।